వెంకటేష్ – నాగచైతన్య హీరోలుగా నటించిన ఈ చిత్రం ‘వెంకీమామ’. బాబీ దర్శకత్వం వహించిన ఈ చిత్రం ఈ నెల 13వ తేదీన విడుదల కానుంది. ఈ నేపథ్యంలో ఈ సినిమాను గురించి దర్శకుడు బాబీ మాట్లాడుతూ ..”అన్ని తరగతుల ప్రేక్షకులను దృష్టిలో పెట్టుకుని ఈ సినిమాను రూపొందించాను.
బయట వెంకటేష్ గారిని చైతూ ‘వెంకీమామ’ అని పిలుస్తాడట. ఈ సినిమాలోనూ వాళ్లిద్దరి మధ్య అదే వరస ఉంటుంది గనుక, ఆ టైటిల్ ను ఫిక్స్ చేశాను. టైటిల్ కి మంచి మార్కులు పడ్డాయి. పూర్తి వినోదభరితంగా నిర్మితమైన ఈ సినిమా అందరికీ నచ్చుతుందనే నమ్మకం వుంది. నా తదుపరి సినిమా బన్నీతో వుంటుందనే టాక్ నా వరకూ వచ్చింది. బన్నీతో ఒక సినిమా చేయాలని నాకూ వుంది. అలాంటి అవకాశం కోసమే నేను కూడా ఎదురుచూస్తున్నాను” అని చెప్పుకొచ్చాడు.
