నవంబర్‌లో వచ్చేస్తున్నరజనీ 2.0

సూపర్‌ స్టార్‌ రజనీకాంత్, శంకర్‌ కాంబినేషన్‌లో వచ్చిన రోబో సూపర్‌ హిట్‌ అయిన సంగతి తెలిసిందే. ఇప్పడు రోబో సీక్వెల్‌గా కళ్లు చెదిరే బడ్జెట్‌తో, భారీ సాంకేతిక హంగులతో 2.0 సినిమాను తెరకెక్కించారు. ఎంతో ప్రతిష్టాత్మక ప్రాజెక్టు అయిన ఈ సినిమా వచ్చే నవంబర్‌లో ప్రేక్షకుల ముందుకు రానుంది. ఈ సినిమా విడుదల తేదీని చిత్రయూనిట్‌ అధికారికంగా ప్రకటించింది. ఈ ఏడాది నవంబర్‌ 29 వ తేదిన ఈ చిత్రాన్ని విడుదల చేయనున్నట్లు ప్రకటించింది. చిత్ర నిర్మాణ సంస్థ లైకా ప్రొడక‌్షన్స్, దర్శకుడు శంకర్‌ ఈ మేరకు ట్విట్టర్‌లో తెలిపారు. ఈ చిత్రంలో రజనీకాంత్ సరసన అమీజాక్సన్ నటించగా విలన్ పాత్రలో అక్షయ్ కుమార్ నటిస్తున్నారు.

అభిమానులు ఎప్పుడెప్పుడా అని ఎదురుచూస్తున్న ఈ చిత్రం విడుదల తేదీ ఖరారైంది. ఎంతో ప్రతిష్టాత్మక ప్రాజెక్టు అయిన ఈ సినిమా గతంలోనే విడుదల కావాల్సి ఉంది. గతంలో పలు విడుదల తేదీలు ప్రచారమైనప్పటీకీ….వీ ఎఫ్‌ఎక్స్‌ వర్క్‌ కారణంగా సినిమా అనుకున్న తేదీకి విడుదల కాలేదు. భారీ గ్రాఫిక్‌ వర్క్‌, వీఎఫ్‌ఎక్స్‌ టెక్నాలజీని ఈ సినిమాలో వాడటంతో చిత్రం పూర్తికావడానికి చాలా ఎక్కువ సమయమే పట్టింది. ఇప్పుడు ఈ పనులన్నీ పూర్తయ్యాయని, కాబట్టి నవంబర్‌ 29న విడుదల చేయబోతున్నామని శంకర్‌ ట్విట్టర్‌లో తెలిపారు.