‘అదా శర్మ’ పెద్దగా పరిచయం అవసరం లేని పేరు. తరచూ హాట్‌ ఫొటోషూట్‌, ఫిట్‌నెస్‌, డ్యాన్స్‌ వీడియోలను షేర్‌ చేస్తూ.. నెటిజన్లకు టచ్‌లో ఉంటుంది. ఈ అమ్మడు ఫిట్‌నెస్‌ విషయంలో ఎంత జాగ్రత్తగా ఉంటుందో మనకు తెలిసిందే. తాజాగా హ్యాండ్‌స్టాండ్స్‌ చేస్తుండగా తీసిన వీడియోను షేర్‌ చేసింది ఈ బ్యూటీ. ‘ఒక్క నిమిషంలో మీరెన్ని హ్యాండ్‌ స్టాండ్స్‌ చేయగలరు?. ట్రైనర్‌ సమక్షంలోనే ఈ వ్యాయామం చేయాలి. లేకపోతే ప్రయత్నించొద్దు’ అని హెచ్చరించింది ఈ భామ. కేవలం ఒక్క నిమిషంలో 21 హ్యాండ్‌స్టాండ్స్‌ చేసింది. దీన్ని చూసిన నెటిజన్లు ఆశ్చర్యం వ్యక్తం చేస్తున్నారు. ‘మీ ఎనర్జీకి సాటిలేరు, వావ్‌, సూపర్‌..’ అంటూ కామెంట్లు చేశారు.
