గూగుల్ ఫొటోలు చూసి షాకైన అదితి రావు

యే సాలీ జిందగీ అనే చిత్రంతో 2011లో బాలీవుడ్‌లో అడుగుపెట్టింది అదితి రావు హైదరి. ఈ సినిమాలో ఆమె నటనకు మంచి మార్కులు పడ్డాయి. ఆ సమయంలో తన గురించి సరదాగా గూగుల్‌లో వెతకాలనుకున్నారు. తీరా చూస్తే సినిమాలో దుస్తుల్లేకుండా ఉన్న కొన్ని ఫొటోలు కనిపించడంతో షాకయ్యానని అదితి తెలిపారు. ఆ తర్వాత ఇంకెప్పుడూ తన గురించి గూగుల్‌లో వెతకకూడదని నిర్ణయించుకున్నట్లు పేర్కొన్నారు. ఓ చాట్‌ షోలో పాల్గొన్న అదితి ఈ విషయాన్ని వెల్లడించారు.

పద్మావత్‌, భూమి, వాజిర్‌, మర్డర్‌-3 తదితర చిత్రాల్లో నటించి తనకంటూ ఓ గుర్తింపు తెచ్చుకుంది అదితి. తెలుగులో చెలియా, అంతరిక్షం చిత్రాల్లో నటించింది. తమిళంలో సైకో అనే చిత్రంలో నటిస్తోంది. ప్రస్తుతం ఆమె తెలుగులో ‘వి’ అనే చిత్రంలో నటిస్తోంది. ఇందులో నాని, సుధీర్‌బాబు హీరోలు. నివేదా థామస్‌ మరో కథానాయిక పాత్ర పోషిస్తున్నారు.