టాలీవుడ్ హీరో పవర్ స్టార్ పవన్ కళ్యాణ్, డైరెక్టర్ క్రిష్ కలయికలో రాబోతున్న సినిమాలో బాలీవుడ్ భామ జాక్వెలిన్ ఫెర్నాండెజ్ నటించబోతున్నట్లు సమాచారం. గతేడాది వచ్చిన సాహో సినిమాలో ప్రభాస్ సరసన ఒక ప్రత్యేకగీతంలో నటించింది ఈ బ్యూటీ. ఇప్పుడు ఈ సినిమా ద్వారా హీరోయిన్గా ప్రేక్షకులను అలరించనుంది. పీరియాడిక్ యాక్షన్ డ్రామాగా తెరకెక్కనున్న ఈ సినిమా దేశంలోని ప్రధాన భాషలన్నింటిలోనూ విడుదల కానుంది. ఇప్పటికే ఆమె హైదరాబాద్కి పలుమార్లు వచ్చి కథా చర్చల్లో పాల్గొన్నట్లు సన్నిహిత వర్గాల సమాచారం. కరోనా ఆంక్షలన్నీ ఎత్తేసిన వెంటనే జాక్వెలిన్ షూటింగ్లో పాల్గొనేందుకు ఉత్సాహంగా ఉందంట. ఈ సినిమాకి మొత్తం 40 రోజులు కేటాయించిందని సమాచారం. ఈ సినిమాలో ఎన్నడూ చూడని సరికొత్త అవతారంలో ఈ బాలీవుడ్ బ్యూటీ కనిపించనుంది. 1870ల కాలం నాటి పరిస్థితులకు తగ్గట్టుగా హైదరాబాద్లో భారీ సెట్స్ వేసి సినిమా చిత్రీకరించేందుకు చిత్రబృందం సన్నాహాలు చేస్తుంది. ప్రస్తుతం జాక్వెలిన్ బాలీవుడ్లో జాన్అబ్రహం, సల్మాన్ సినిమాల్లో హీరోయిన్గా నటించనుంది.
పవన్ కల్యాణ్తో బాలీవుడ్ బ్యూటీ రొమాన్స్..
