టాలీవుడ్ యువ నటుడు కార్తికేయ – లావణ్య త్రిపాఠి నటిస్తున్న తాజా చిత్రం ”చావు కబురు చల్లగా”. అల్లు అరవింద్ సమర్పణలో గీతా ఆర్ట్స్ 2 బ్యానర్ పై బన్నీ వాస్ ఈ చిత్రాన్ని నిర్మిస్తున్నాడు. ఈ సినిమా ద్వారా పెగళ్ళపాటి కౌశిక్ అనే కొత్త దర్శకుడు ఇండస్ట్రీకి పరిచయం అవుతున్నాడు. ఇప్పటికే ఈ చిత్రం నుంచి విడుదలైన ప్రచార చిత్రాలు మంచి స్పందన తెచ్చుకున్నాయి. తాజాగా ఈ సినిమా టీజర్ గ్లిమ్స్ ని మూవీయూనిట్ విడుదల చేసింది.
ఈ టీజర్లో కార్తికేయ చెప్పే ఫన్నీ డైలాగ్ ఆకట్టుకుంటోంది. ఈ చిత్రంలో కార్తికేయ స్వర్గపురి వాహనం నడిపే బస్తీ బాలరాజు పాత్రలో కనిపించనున్నాడు. లావణ్య త్రిపాఠి మల్లిక అనే నర్స్ పాత్ర పోషించింది. కార్తికేయ – లావణ్య లను చూస్తుంటే ఇద్దరూ డీ గ్లామరస్ పాత్రల్లో నటనకు ఆస్కారం ఉన్న రోల్స్లో నటించారని అర్థం అవుతోంది. మురళీ శర్మ, ఆమని,మహేష్, భద్రం తదితరులు ఇతర ప్రధాన పాత్రల్లో కనిపించనున్నారు.
