జనసేన అధ్యక్షుడు పవన్‌కళ్యణ్‌.. రాజధాని రైతుల ఆందోళనలకు సంఘీభావం తెలుపనున్నారు. రేపు ఉదయం మందడం, తుళ్లూరు, వెలగపూడి గ్రామాల్లో పర్యటించాలని నిర్ణయించారు. మంగళగిరిలోని పార్టీ కార్యాలయంలో పార్టీ ముఖ్యనేతలతో నిర్వహించిన సమావేశంలో పవన్ ఈ మేరకు నిర్ణయించారు. అమరావతిలో ప్రస్తుతం నెలకొన్న పరిస్థితులపై నాదెండ్ల మనోహర్‌, నాగబాబు పవన్‌కు 20 పేజీల నివేదిక అందజేశారు. ఈ నివేదికపై పార్టీ నేతలతో పవన్ చర్చించారు.
అన్ని ప్రాంతాలు, వర్గాల ప్రజలు ఆనందంగా ఉండాలని జనసేన అధ్యక్షుడు పవన్‌కళ్యాణ్‌ ఆకాంక్షించారు. ఒకరికి న్యాయం చేసి, ఇంకొకరికి అన్యాయం జరగాలని ఎవరూ కోరుకోకూడదన్నారు. 3 రాజధానుల అంశంపై జరుగుతున్న చర్చ అందరికీ తెలుసన్నారు. ప్రస్తుతం కొన్ని ఇబ్బందికర పరిస్థితులున్నాయని, ఇలాంటి సమయంలోఅందరం ఒక అవగాహనకు రావాలని అన్నారు. జిల్లాల వారీగా ఆయా ప్రాంతాల్లో ఉన్న అభిప్రాయాలు చెప్పాలని పార్టీ నేతలకు సూచించారు.
