భయపెట్టి రూ. 130 కోట్లు వసూలు చేసిన లారెన్స్

గత నెలలో విడుదలైన ‘కాంచన 3’ చిత్రం భారీ విజయాన్ని సొంతం చేసుకుంది. తమిళనాడుతో పాటు తెలుగు రాష్ట్రాల్లో సైతం చిత్రం పెద్ద మొత్తంలో వసూళ్లను రాబట్టుకుంది. తమిళ సినిమా ట్రేడ్ వర్గాల సమాచారం మేరకు ఈ చిత్రం రూ. 130 కోట్ల గ్రాస్ వసూలు చేసినట్టు తెలుస్తోంది. స్టార్ హీరోలకు సైతం కష్టతరమైన ఈ వసూళ్లను లారెన్స్ అవలీలగా రాబట్టడం విశేషం. ‘ముని, కాంచన’ ప్రాంచైజీకి కొనసాగింపుగా వచ్చిన ఈ చిత్రాన్ని లారెన్స్ స్వీయ దర్శకత్వంలో తెరకెక్కించాడు. ఇదే ప్రాంఛైజీలో లారెన్స్
మరికొన్ని సినిమాలు చేయనున్నారు.