యంగ్ రెబల్ స్టార్ ప్రభాస్ నటిస్తున్న తాజా సినిమా రాధేశ్యామ్. ఇందులో పూజా హెగ్డే హీరోయిన్. రొమాంటిక్ పీరియాడికల్ డ్రామాగా తెరకెక్కుతున్న ఈ చిత్రంలో పూజా ఓ మెడికల్ స్టూడెంట్గా కనిపించనుందని వార్తలు వస్తున్నాయి. యువీ క్రియేషన్స్, టీ-సీరీస్ కలిసి నిర్మిస్తున్న చిత్రానికి రాధాకృష్ణ కుమార్ దర్శకత్వం వహిస్తున్నాడు. ఈ చిత్రంలో బాలీవుడ్ నటి భాగ్యశ్రీ కీలక పాత్ర చేస్తున్నారు. భారీ బడ్జెట్ తో తెరకెక్కుతున్న ఈ సినిమా జులై 30న తెలుగు, హిందీ, తమిళం, కన్నడ, మలయాళ భాషల్లో విడుదల చేసేందుకు సన్నాహాలు చేస్తున్నారు. ఇప్పటికే విడుదలైన ఈ సినిమా పోస్టర్స్, గ్లింప్స్ చిత్రంపై అంచనాలను పెంచేశాయి. కృష్ణంరాజు, మురళీ శర్మ, ప్రియదర్శి, కునాల్ కపూర్ తదితరులు ఇతర పాత్రల్లో కనిపించనున్నారు.
ప్రభాస్ కోసం మెడిసిన్ చేస్తున్న పూజా హెగ్డే!
