HomeTelugu Big StoriesRaja Saab కొత్త విడుదల తేదీ ఫిక్స్ అయ్యిందా?

Raja Saab కొత్త విడుదల తేదీ ఫిక్స్ అయ్యిందా?

Release Date locked for Raja Saab?
Release Date locked for Raja Saab?

Raja Saab Release Date:

ప్రభాస్ నటిస్తున్న పాన్-ఇండియా సినిమా Raja Saab గురించి ఇప్పటికే భారీ అంచనాలు ఉన్నాయి. మారుతి దర్శకత్వంలో రూపొందుతున్న ఈ హారర్ కామెడీ సినిమా అభిమానులను ఎంటర్‌టైన్ చేయడానికి సిద్ధంగా ఉంది. అయితే, ఈ సినిమా విడుదలపై కొన్ని మార్పులు చోటు చేసుకున్నాయి.

ముందుగా 2025 ఏప్రిల్ 10న విడుదల అవుతుందని ప్రకటించిన “రాజా సాబ్” విడుదల వాయిదా పడింది. తాజా సమాచారం ప్రకారం, మేకర్స్ కొత్త విడుదల తేదీ కోసం చర్చలు జరుపుతున్నారు. ఫిల్మ్ నగర్ వర్గాల్లో వినిపిస్తున్న మాటల ప్రకారం, 2025 జూలై 18న ఈ సినిమా ప్రేక్షకుల ముందుకు వచ్చే అవకాశం ఉంది. అయితే, ఈ తేదీపై ఇంకా అధికారిక ప్రకటన రావాల్సి ఉంది.

ఈ సినిమాలో ప్రభాస్ సరసన మాళవిక మోహనన్, నిధి అగర్వాల్, రిధి కుమార్ కథానాయికలుగా నటిస్తున్నారు. ఇంతేకాకుండా, బాలీవుడ్ నటుడు సంజయ్ దత్ ఈ సినిమాలో కీలక పాత్ర పోషిస్తున్నారు. టీజీ విశ్వప్రసాద్ నిర్మిస్తున్న ఈ చిత్రానికి తమన్ సంగీతం అందిస్తున్నారు.

“రాజా సాబ్” ప్రభాస్ కెరీర్‌లో హారర్ కామెడీ తరహాలో వస్తున్న మొదటి సినిమా కావడం విశేషం. అభిమానులు ఈ చిత్రంపై భారీ అంచనాలు పెట్టుకున్నారు. ప్రభాస్ బాహుబలి తర్వాత వరుసగా పాన్-ఇండియా చిత్రాలతో మోజు చూపిస్తుండటంతో, “రాజా సాబ్” కూడా భారీ బడ్జెట్, అద్భుతమైన కథతో రాబోతుందనే నమ్మకం వ్యక్తం చేస్తున్నారు.

సినిమా టీజర్ విడుదలైతే, అభిమానుల అంచనాలు మరింత పెరుగుతాయని చెప్పాలి. ప్రస్తుతం విడుదల తేదీపై క్లారిటీ కోసం ప్రేక్షకులు ఆత్రుతగా ఎదురు చూస్తున్నారు.

Recent Articles English

Gallery

Recent Articles Telugu