దుబాయ్ లోని అత్యంత ఖరీదైన లొకేషన్లలో సాహో సినిమా యాక్షన్ ఎపిసోడ్స్ చిత్రీకరిస్తున్నారు. బాహుబలి తర్వాత వస్తున్న ప్రభాస్ చిత్రం కోసం అభిమానులు ఆసక్తిగా ఎదురు చూస్తున్నారు. హిందీలో కూడా ఈ సినిమా రూపొందుతోందట. దర్శకుడు సుజిత్, హాలీవుడ్ యాక్షన్ డైరెక్టర్ కెన్నిబేట్స్ తో కలిసి దుబాయ్ లో భారీ యాక్షన్, ఛేజింగ్ దృశ్యాల షూటింగ్ జరుపుతున్నారు. దాదాపు 50 నుంచి 60 కోట్ల బడ్జెట్ కేవలం ఈ యాక్షన్ ఎపిసోడ్ కే ఖర్చు చేస్తున్నారట. దుబాయ్ లోని ఫ్లైఓవర్ పై భారీ ట్రక్కులు, కార్లతో సాహో భారీ ఫైట్ చిత్రీకరణ జరిగింది.
ఈ యాక్షన్ ఎపిసోడ్ కోసం 33 లగ్జరీ కార్లు, 4 భారీ ట్రక్ లు వినియోగించారు. లెక్కకు మించి స్పోర్ట్స్ బైక్ లను వాడారట. ఈ ఫైట్ సీన్ లో అన్నీ స్మాష్ అయ్యాయని కెన్నీబెట్స్ చిత్రీకరించిన ఈ యాక్షన్ ఎపిసోడ్స్ సినిమాకే హైలైట్ గా నిలుస్తాయని అంటున్నారు. డమ్మీ కార్లు కాకుండా ఒరిజినల్ కార్లను వాడటంపైనా ఆసక్తికరంగా మారింది. ఈ ఫైట్ కోసం ప్రభాస్ చాలా రిస్క్ చేశాడని అంటున్నారు. నితిన్ ముఖేష్ ప్రతి కథానాయకుడి పాత్ర చేస్తున్న ఈ చిత్రంలో శ్రద్దాకపూర్ హీరోయిన్ గా నటిస్తోంది.
