ఉప్పెన చిత్రంతో టాలీవుడ్‌లో ఎంట్రీ ఇచ్చింది కృతిశెట్టి. తొలి సినిమాతో బాక్సాఫీస్ వద్ద సెన్సేషన్ క్రియేట్ చేసింది. కొద్దికాలంలోనే ప్రేక్షకుల హృదయాల్లో స్థానం సంపాదించింది. కృతిశెట్టికి సంబంధించి ఓ వార్త నెట్టింట హల్చల్ చేస్తోంది.
ఓ స్టార్ హీరో కొడుకు తనను స్నేహం పేరిట వేధిస్తున్నాడంటూ ఈ విషయాన్ని కృతిశెట్టి ఓ ఇంటర్వ్యూలో చెప్పిందంటూ కొద్ది రోజులుగా పలు కథనాలు హల్చల్ చేస్తున్నాయి. ఎక్కడికి వెళ్లినా తనను తోడు రమ్మంటూ వేధిస్తున్నాడని ఆరోపణలు చేసినట్టు ఆ కథనాల్లో పేర్కొన్నారు.
వీటిపై నటి కృతి శెట్టి స్పందిస్తూ ఆ వార్తల్లో ఎంతమాత్రం నిజం లేదని స్పష్టం చేసింది. తానెప్పుడూ అలా చెప్పలేదని కొట్టిపారేసింది. వదంతులను పట్టించుకోవద్దని అనుకున్నానని, కానీ తప్పుడు ప్రచారం తీవ్రస్థాయిలో జరుగుతున్నందున స్పందించక తప్పలేదని వివరణ ఇచ్చింది.
అవన్నీ ఆధారం లేని వార్తలని వాటిని ఎవరూ నమ్మొద్దని తెలిపింది. ఈ మేరకు కృతి శెట్టి ట్వీట్ చేశారు. దీంతో ఆ వార్తలకు ఫుల్‌స్టాప్ పడినట్లయింది.
