మెగా హీరోల్లో సాయి ధరం తేజ్ తో ప్రముఖ నిర్మాత దిల్ రాజుకి మంచి ర్యాపో ఉంది. వీరిద్దరి కాంబినేషన్ లో వచ్చిన రెండు సినిమాలు మాసివ్ హిట్స్ అందుకున్నాయి. ఇప్పుడు మరోసారి వీరిద్దరి కాంబినేషన్ లో సినిమా రాబోతుందని టాక్. ఈ మధ్య తేజు రెండు డిజాస్టర్ సినిమాలు పడ్డాయి. దీంతో అతడి తదుపరి సినిమా ‘జవాన్’ మీద ఎలాంటి అంచనాలు లేకుండా పోయాయి. ఇప్పుడు ఈ మెగామేనల్లుడుకి హిట్ ఇవ్వడానికి రెడీ అవుతున్నాడు దిల్ రాజు.
సతీష్ వెగ్నేస దర్శకత్వంలో ‘శ్రీనివాస కళ్యాణం’ అనే సినిమా చేయడానికి సన్నాహాలు చేస్తున్నారు దిల్ రాజు. ఈ సినిమాలో మొదట హీరోగా రాజ్ తరుణ్ ను అనుకున్నారు. కానీ ఇప్పుడు ఈ స్థానంలోకి సాయి ధరం తేజ్ ను తీసుకున్నట్లుగా సమాచారం. తేజు కూడా ఈ బ్యానర్ లో మరోసారి పని చేయడానికి ఆసక్తి చూపుతున్నాడు. ఇదొక ఫ్యామిలీ ఎంటర్టైనర్ గా రూపొందనుంది. మరి తేజు ఫ్యామిలీ ఆడియన్స్ ను ఎంతవరకు ఆకట్టుకుంటాడో.. చూడాలి!
