యంగ్ రెబల్ స్టార్ ప్రభాస్ హీరోగా ‘కేజీఎఫ్’ డైరెక్టర్ ప్రశాంత్ నీల్ దర్శకత్వంలో రూపొందుతున్న చిత్రం ‘సలార్’. శృతీహాసన్ హీరోయిన్గా నటిస్తున్న ఈ సినిమా షూటింగ్ శరవేగంగా జరుగుతుంది. తాజాగా సలార్ షూటింగ్ స్పాట్ లో ప్రభాస్ కి సంబంధించిన చిన్న వీడియో సోషల్ మీడియాలో లీకైంది. ఇక ఇది సినిమాలో సన్నివేశానికి సంబంధించినది కాదు కానీ సాలార్ షూటింగ్ స్పాట్లో ప్రభాస్కు సంబంధించినది. ఈ లుక్ చూసిన ఫ్యాన్స్ ఫుల్ ఖుషీ అవుతున్నారు.
ప్రస్తుతం మేకర్స్ ఓ మాస్ సాంగ్ ను షూట్ చిత్రీకరించనున్నట్లు తెలుస్తోంది. ఈ పాటను చాలా గ్రాండ్గా చిత్రీకరించడానికి మేకర్స్ ప్లాన్ చేస్తున్నారని, అందుకోసం సన్నాహాలు మొదలు పెట్టారని ఇండస్ట్రీ వర్గాలు చెబుతున్నాయి. పూర్తి స్థాయి యాక్షన్ డ్రామాగా తెరకెక్కుతున్న ఈ సినిమాను దాదాపు రూ. 150 నుంచి రూ.200 కోట్ల బడ్జెట్తో కేజీఎఫ్ నిర్మాణ సంస్థ హోంబలే సంస్థ నిర్మిస్తుంది. ఈ చిత్రం వచ్చే ఏడాది వచ్చే ఏడాది ఏప్రిల్ 14న విడుదలకానుంది.
