టాలీవుడ్ హీరో సుమంత్ రెండో పెళ్లి చేసుకుంటున్నాడన్న వార్తలు వైరల్ అవుతున్న సంగతి తెలిసిందే. సోషల్ మీడియాలో సుమంత్ పెళ్లిపై అనేక కథనాలు వస్తున్నాయి. పెళ్లి కార్డులు కూడా చక్కర్లు కొట్టింది, తాజాగా ఈ వార్తలపై సుమంత్ స్పందించాడు. తాను మరోసారి పెళ్లి చేసుకుంటున్నట్టు వస్తున్న వార్తల్లో నిజం లేదని స్పష్టం చేశారు.
తాను నటిస్తున్న కొత్తం చిత్రం పెళ్లి, విడాకులకు సంబంధించిన కథతో తెరకెక్కుతోందని, ఆ చిత్రం సెట్స్ నుంచి ఓ పెళ్లి కార్డు లీకైందని, దాన్నే అందరూ తన పెళ్లి కార్డు అనుకుంటున్నారని సుమంత్ వివరణ ఇచ్చారు. త్వరలోనే ఆ సినిమా టైటిల్, ఫస్ట్ లుక్ విడుదల అవుతాయని తెలిపారు. ఈ మేరకు ఓ వీడియో విడుదల చేశారు. కాగా, సుమంత్ కు గతంలో నటి కీర్తిరెడ్డిని వివాహం చేసుకున్న సంగతి తెలిసిందే. అయితే కొన్నాళ్లకే వీరు విడాకులు తీసుకున్నారు.
