రాష్ట్రంలో కరోనా విజృభిస్తుంది. తాజాగా కరీంనగర్‌లో మరో ఇద్దరికి కరోనా పాజిటివ్‌గా నిర్థారణ అయినట్టు జిల్లా కలెక్టర్‌ శశాంక వెల్లడించారు. ఇండోనేసియా వారితో తిరిగిన వ్యక్తికి గతంలో కరోనా పాజిటివ్‌ వచ్చిందని వెల్లడించారు. తాజాగా ఆ వ్యక్తి సోదరి, తల్లికి కరోనా పాజిటివ్‌ వచ్చినట్లు కలెక్టర్‌ తెలిపారు. ఆ ముగ్గురిని కలిసిన వారిని గుర్తించేందుకు చర్యలు చేపట్టామని, వారితో సన్నిహితంగా తిరిగిన వారి వివరాలు సేకరిస్తున్నామని ఆయన తెలిపారు. సదరు వ్యక్తితో పాటు ఇంట్లో 8 మంది ఉంటారని, వారిలో ఇద్దరికే పాజిటివ్‌ వచ్చిందని కలెక్టర్‌ అన్నారు. మొత్తం 8 మందినీ గాంధీ ఆస్పత్రికి తరలించామని, కుటుంబంలోని ముగ్గురు పిల్లలకు కూడా ఆస్పత్రిలో చేర్పించామని వెల్లడించారు.
కరీంనగర్‌లో మరో ఇద్దరికి కరోనా పాజిటివ్‌
