విక్టరీ హీరో వెంకటేష్, వరుణ్ తేజ్ ప్రధాన పాత్రల్లో నటించిన ఎఫ్2 మూవీ ఎంతటి విజయం సాధించిందో తెలిసిందే. అనిల్ రావిపూడి దర్శకత్వం వహించిన ఈ సినిమాలో తమన్నా, మెహరీన్లు హీరోయిన్లుగా నటించారు. శ్రీ వెంకటేశ్వర సినీ క్రియేషన్స్లో దిల్ రాజు నిర్మించిన ఈ చిత్రానికి అనిల్ రావిపూడి దర్శకత్వం వహించారు. ఈ సినిమా గత ఏడాది సంక్రాంతి కానుకగా విడుదలైంది. ఇప్పుడు ఈ సినిమా సీక్వెల్ ను ప్లాన్ చేస్తున్నాడు అనిల్ రావిపూడి. ఇప్పుడు ఎఫ్3 అంటూ ముగ్గురు హీరోలను ప్లాన్ చేస్తున్నట్లు తెలుస్తోంది. ఈ సినిమా ఎప్పుడెప్పుడు మొదలవుతుందా అని ప్రేక్షకులు ఆసక్తిగా ఎదురు చూస్తున్నారు. కరోనా కారణంగా వాయిదా పడిన ఈ సినిమా షూటింగ్ త్వరలోనే సెట్స్పైకి వెళ్లనుంది. అన్నీ కుదిరితే వచ్చే జనవరి నుంచి ఈ చిత్రం షూటింగ్ ప్రారంభించాలని దర్శకుడు భావిస్తున్నారట. దీనికి సంబంధించిన ప్రి-ప్రొడక్షన్ పనులను ప్రారంభించినట్లు తెలుస్తోంది.
