అక్కినేని యంగ్ హీరో నాగ చైతన్య బాలీవుడ్ ఎంట్రీ ఇవ్వనున్నట్లు వార్తలు వస్తున్న సంగతి తెలిసిందే. ఈ నేపథ్యంలో తాజాగా ‘లాల్ సింగ్ చద్దా’ షూటింగ్ లో పాల్గొన్న ఓ ఫోటోని షేర్ చేసి చైతూ.. ఈ విషయాన్ని కంఫర్మ్ చేశారు. అమీర్ ఖాన్ కీలకపాత్రలో నటిస్తున్న ‘లాల్ సింగ్ చద్దా’లో చైతూ ఓ కీలక పాత్ర పోషిస్తున్నారు. అద్వైత్ చందన్ డైరెక్షన్లో వస్తున్న ఈ సినిమా సెట్లో శుక్రవారం అడుగుపెట్టాడు నాగ చైతన్య. సోషల్ మీడియా వేదికగా ఈ విషయాన్ని తెలియజేస్తూ సెట్లో దిగిన ఫొటోని పంచుకున్నారు. ఇందులో ఆర్మీ దుస్తుల్లో కనిపించారు చైతూ, అమీర్ ఖాన్. ప్రస్తుతం ఈ సినిమా తుది షెడ్యూల్ని కార్గిల్లో చిత్రీకరిస్తున్నారు. 20రోజుల పాటు ఈ షూటింగ్ కొనసాగుతుందని చిత్రవర్గాలు తెలిపాయి. అమీర్ఖాన్ ప్రొడక్షన్స్, వయాకామ్ 18 స్టూడియోస్ సంస్థలు రూపొందిస్తున్న ఈ కామెడీ-డ్రామా చిత్రంలో కరీనా కపూర్ ఈ సినిమాలో హీరోయిన్గా నటిస్తోంది. 1994లో హాలీవుడ్లో విడుదలైన ‘ఫారెస్ట్ గంప్’కి చిత్రానికి ఇది రీమేక్.
