నేడు యంగ్ రెబల్స్టార్ ప్రభాస్ పుట్టినరోజు సందర్భంగా ‘రాధేశ్యామ్’ టీజర్ను చిత్రబృందం సోషల్ మీడియా వేదికగా అభిమానులతో పంచుకుంది. ప్రభాస్ హీరోగా రాధా కృష్ణ కుమార్ డైరెక్షన్లో వస్తున్న చిత్రం ‘రాధేశ్యామ్’. వింటేజ్ ప్రేమకథా చిత్రంగా తెరకెక్కిన ఈ సినిమాలో ప్రభాస్ పూర్తిస్థాయి లవర్బాయ్ పాత్ర పోషించారు. ఈ టీజర్ లో లవర్బాయ్గా ప్రభాస్ లుక్, డైలాగ్లు, హావభావాలు ఆకట్టుకునేలా ఉన్నాయి. సన్నివేశాలకు అనుగుణంగా జస్టిన్ ప్రభాకరణ్ అందించిన సంగీతం సినిమాపై ఆసక్తిని మరింత రెట్టింపు చేస్తున్నాయి.
చాలాకాలం నుంచి ఈ టీజర్ గురించి ఆతృతగా ఎదురు చూస్తున్న ప్రభాస్ ఫ్యాన్స్కు మాత్రం ‘రాధేశ్యామ్’ టీజర్ మంచి ట్రీట్ ను ఇచ్చింది. ముందుగా చెప్పినట్టుగానే విక్రమాదిత్య ఎవరు ? అనే విషయాన్నీ ప్రపంచానికి ‘రాధే శ్యామ్’ టీజర్ తో తెలియజేశారు. ఈ సినిమాలో పూజాహెగ్డే హీరోయిన్గా నటిస్తుంది. ఈ చిత్రం 2022 జనవరి 14న విడుదల కానుంది.
