తెలుగు హీరోయిన్ అంజలి ప్రధాన పాత్రలో నటించిన చిత్రం ‘గీతాంజలి’. 2014లో కామెడీ అండ్ హార్రర్ బ్యాక్డ్రాప్లో వచ్చిన ఈ సినిమా ప్రేక్షకులను ఎంతగానో అలరించింది. శ్రీనివాస్ రెడ్డి హీరోగాగా నటించిన ఈ సినిమాలో సత్యం రాజేశ్, సత్య, షకలక శంకర్, అలీ, బ్రహ్మాజీ, రవి శంకర్, రాహుల్ మాధవ్ తదితరులు కీలక పాత్రల్లో నటించారు.
ఈ సూపర్ హిట్ మూవీకి దాదాపు 10 ఏండ్ల తర్వాత సీక్వెల్ రాబోతుంది. ఈ సినిమాకు శివతుర్లపాటి దర్శకత్వం వహిస్తున్నాడు. గీతాంజలి మళ్లీ వచ్చింది టైటిల్తో తెరకెక్కుతున్న ఈ మూవీ అంజలి 50వ సినిమా. ఇప్పటికే ఈ సినిమా నుంచి విడుదలైన అంజలి ఫస్ట్లుక్ పోస్టర్ విడుదల చేయగా.. ప్రేక్షకులను ఆకట్టుకుంది.
తాజాగా ఈ సినిమా నుంచి ఇంట్రెస్టింగ్ అప్డేట్ అందించారు మేకర్స్. ఈ మూవీలో టాలీవుడ్ హీరో కమ్ కమెడియన్ సునీల్ ‘కిల్లర్ నాని’ అనే ఆసక్తికర పాత్రలో నటించనున్నట్లు చిత్ర యూనిట్ ప్రకటించింది. దీనితో పాటు సునీల్ కొత్త పోస్టర్ విడుదల చేసింది. ఈ పోస్టర్లో సునీల్ ఒక హాంటెడ్ భవనం ముందు హాకీ స్టిక్తో నిలబడి తీక్షణంగా చూస్తున్నట్లు ఉంది.
ఎంవీవీ సినిమాస్ బ్యానర్తో కలిసి కోన ఫిలిం కార్పొరేషన్ బ్యానర్పై కోన వెంకట్ ఈ సినిమాను తెరకెక్కిస్తుండగా.. ప్రవీణ్ లక్కరాజు సంగీతం అందిస్తున్నాడు. తెలుగుతో పాటు తమిళం, మలయాళం, హిందీ, కన్నడ భాషల్లో గ్రాండ్గా విడుదల చేయనున్నట్లు మేకర్స్ వెల్లడించారు.
