యూత్ ఫుల్ ఎంటర్టైనర్లతో యువ దర్శకుడు మారుతి మార్క్తో రిలీజ్ అవుతున్న మరో మూవీ ‘బ్రాండ్ బాబు’. యూత్ ఓరియెంటెడ్ సినిమాలు తీస్తూ యువతకు కావాల్సిన అన్నిరకాల మెసేజీలు ఇస్తుంటాడు మారుతి. స్వయంగా తనే కథ అందిస్తూ సమర్పిస్తున్న ఈ సినిమాతో కన్నడ నటుడు సుమంత్ శైలేంద్ర తెలుగు తెరకు పరిచయం అవుతున్నారు. ప్రస్తుతం షూటింగ్ జరుపుకుంటున్న ఈ సినిమా టైటిల్ పోస్టర్ను రిలీజ్ చేశారు చిత్రయూనిట్.
బుల్లితెర స్టార్ యాంకర్ ప్రభాకర్ దర్శకత్వంలో తెరకెక్కుతున్న ఈ సినిమాలో ఈషా రెబ్బా హీరోయిన్గా నటిస్తుంది. మురళీశర్మ మరో కీలక పాత్రలో నటిస్తున్నారు.ఈ సినిమాకు జీవన్ బాబు (జేబీ) సంగీతమందిస్తున్నారు. మారుతి మార్క్కామెడీ ఎంటర్టైనర్గా తెరకెక్కుతున్న ఈ సినిమాను శ్రీ శైలేంద్ర ప్రొడక్షన్స్ బ్యానర్పై శైలేంద్ర బాబు నిర్మిస్తున్నారు. అతి త్వరలోనే చిత్ర టీజర్ను విడుదల చేయనున్నారు.
