యంగ్ రెబెల్ స్టార్ ప్రభాస్ ఈరోజు ఘనంగా తన పుట్టినరోజు వేడుకలను జరుపుకుంటున్నారు. సినీ ప్రముఖులు ట్విట్టర్ వేదికగా ప్రభాస్ కు బర్త్ డే విసెష్ చెబుతున్నారు. అయితే ప్రభాస్ బెస్ట్ ఫ్రెండ్ మాత్రం అతడి ఓ స్పెషల్ గిఫ్ట్ ను పుట్టినరోజు కానుకగా ఇచ్చిందని తెలుస్తోంది. ఈ సర్ప్రైజ్ తో ప్రభాస్ ఆశ్చర్యానికి గురయ్యాడట. డిజైనర్ చేతి గడియారాలను ఇష్టపడే ప్రభాస్ కు అనుష్క స్పెషల్ గా ఓ వాచీను డిజైన్ చేయించిందట.
ఆ వాచీ చూసిన ప్రభాస్ ఆనందాశ్చర్యాలకు గురయినట్లు తెలుస్తోంది. వీరిద్దరు కలిసి వరుస సినిమాలు చేస్తుండడం, సినిమాను సంబందించిన పలు వేడుకల్లో అత్యంత సన్నిహితంగా మెలుగుతూ కనిపించడంతో ఇద్దరూ పెళ్లి చేసుకుబోతున్నారనే వార్తలు వినిపించాయి.
నిశ్చితార్ధం కూడా చేసుకోబోతున్నారని అన్నారు. కానీ ఆ వార్తల్లో నిజం ఎలాంటి నిజం లేదని, తామిద్దరం కేవలం మంచి స్నేహితులమేనని బహిరంగంగా చెప్పుకొచ్చారు.
