Aamir Khan Controversy:
ఒకప్పుడు హిట్మూవీల హంగామాతో హాయిగా రూల్ చేసిన స్టార్ హీరో ఆమిర్ ఖాన్… ఇప్పుడు ఆ క్రేజ్ తగ్గిపోతుందా అన్నది ఫ్యాన్స్ మధనంగా ఉన్న ప్రశ్న. ‘పేహ్లా నషా’తో ప్రేమను, ‘సర్ఫరోష్’తో దేశభక్తిని, ‘దంగల్’తో తండ్రిగా ప్రేమను చూపించిన ఆమిర్ ఖాన్… ఇప్పుడు మాత్రం ప్రేక్షకులను ఆకట్టుకోవడంలో తడబడుతున్నట్టు కనిపిస్తోంది.
ఇటీవల వచ్చిన “సితారే జమీన్ పర్” సినిమాలో ఆయన నటన చూసిన ఫ్యాన్స్ అసంతృప్తిగా ఉన్నారు. పాత్రకు తగ్గ ఎమోషన్ లేకపోవడం, హావభావాల్లో అసమంజసం కనిపించడంతో, ఆమిర్ స్థాయికి తగ్గ నటన కాదని కొందరు నెటిజన్లు అభిప్రాయపడుతున్నారు. అసలు అతను ఇంకా “లాల్ సింగ్ చడ్డా” పాత్ర నుంచి బయటపడలేదా? అనే చర్చలు కూడా ఉన్నాయి.
ఇది కొత్త విషయం కాదు. 2013లో వచ్చిన “ధూమ్ 3” నుంచే ఆయనలో నటన పరంగా ఉన్న లోపాలు బయటపడుతున్నాయంటూ పరిశ్రమ విశ్లేషకులు చెబుతున్నారు. ఆ సినిమాలో సర్కస్ నటుడిగా ఆయన పాత్ర ఒప్పించకపోవడం వల్లే ఈ విమర్శలు మొదలయ్యాయని చెబుతున్నారు.
తాజాగా, ఆమిర్ ఖాన్కు “కూలీ” సినిమాలో ఓ కీలక గెస్ట్ రోల్, లోకేష్ కనగరాజ్తో యాక్షన్ మూవీ, రాజ్కుమార్ హిరానీ డైరెక్షన్లో దాదాసాహెబ్ ఫాల్కే బయోపిక్ వంటి ప్రాజెక్టులు లైనప్లో ఉన్నాయి. ఈ సినిమాల్లో అయినా ఆమిర్ కొత్తగా మెప్పిస్తాడా? లేదా పాత ఫార్ములానే వాడతాడా? అన్నది ప్రశ్నగా మారింది.
అయితే, చాలామంది ఫ్యాన్స్ చెప్పే అంశం ఒక్కటే – ఆమిర్ ఖాన్ నటుడిగా కాకుండా నిర్మాతగా గొప్ప వర్క్ చేస్తున్నాడు. ఆయన విజన్, కథ ఎంపిక ఇంకా టాప్ లెవెల్లోనే ఉన్నాయి. ఆయన సినిమాలు కంటెంట్ పరంగా క్లాస్కి మించి ఉండడం వల్ల, అతను కెమెరా వెనకుండి మరింత గొప్పగా రాణించగలడని అభిప్రాయపడుతున్నారు.
