ఆది సాయికుమార్ హీరోగా కల్యాణ్ జి గోగణ డైరెక్షన్లో తెరకెక్కిస్తున్న చిత్రం ‘తీస్ మార్ ఖాన్’. నాగం తిరుపతి రెడ్డి నిర్మిస్తున్నీ ఈ సినిమాలో పాయల్ రాజ్పూత్ హీరోయిన్గా నటిస్తుంది. గురువారం ఈ చిత్రానికి సంబంధించిన ఓ ఆసక్తికర అప్డేట్ను చిత్ర బృందం విడుదల చేసింది. ‘తీస్ మార్ ఖాన్ గ్లాన్స్’ పేరుతో విడుదల చేసిన వీడియో సినిమాపై ఆసక్తిని పెంచుతోంది. ‘హై ఓల్టేజ్ యాక్షన్ ఎంటర్టైనర్ ఇది. ఇందులో ఆది విద్యార్థిగా, రౌడీగా, పోలీస్గా మూడు కోణాల్లో కనిపిస్తారు. ఓ కీలకమైన పాత్రలో సునీల్ నటిస్తున్నారు. ఈ సినిమాకి సంబంధించిన మరిన్ని వివరాలు త్వరలో వెల్లడిస్తామ’ ని మూవీ యూనిట్ తెలియజేసింది. ఈ చిత్రానికి సాయి కార్తీక్ సంగీతం అందిస్తుండగా.. బాల్ రెడ్డి ఛాయాగ్రాహకుడిగా వ్యవహరిస్తున్నారు.
